Талас, 11.09.26 /Кабар/. Эгемендүүлүк күнү эмки жылы теңиртоолуктардын жеринде, башкача айтканда Нарын облусунда салтанаттуу түрдө белгиленет. Бул тууралуу мамлекет башчысы Садыр Жапаров Талас шаарында өтүп жаткан Эгемендүүлүк күнүнө арналган майрамдык салтанатта билдирди.
Иш-чарага президент Садыр Жапаров, биринчи айым Айгүл Жапарова, өлкө жетекчилигинин өкүлдөрү, Жогорку Кеңештин депутаттары, мамлекеттик жана коомдук ишмерлер, ошондой эле Талас шаарынын тургундары жана коноктору катышууда.
Майрамдык программанын алкагында салтанаттуу жана маданий иш-чаралар өтүүдө.
