Бишкек, 10.12.25. /Кабар/. Дүйнөдөгү эң ири криптовалюталык биржа Binance жана Дубайдын бажы кызматы криптовалюталык төлөмдөрдү кеңейтүү үчүн биригишүүдө.
АЗЕРТАЖ чет элдик маалымат каражаттарына шилтеме берип билдиргендей, Дубайдын Binance менен түзгөн жаңы келишими блокчейнди жана криптовалюталык төлөмдөрдү бажы операцияларына киргизүүгө болгон аракетти билдирет.
Бул эмиратты тездетилген соода агымына, чыгымдарды азайтууга жана атаандаштыкка жөндөмдүү санариптик экономикага багыттайт.
Меморандум криптоактивдерди коммерциялык жана логистикалык транзакцияларга интеграциялоо аркылуу санариптик төлөм мүмкүнчүлүктөрүн кеңейтүүнүн жаңы кадамын белгилейт.
