Бишкек, 04.10.25. /Кабар/. Күчтүү мугалим гана күчтүү өлкөнүн негизин түптөй алат. Мындай пикирин агартуу министри Догдуркүл Кендирбаева Мугалимдер күнүнө карата уюштурулган салтанаттуу иш-чарада билдирди.
Министрдин айтымында, мугалим бул жөн гана кесип эмес, бул тагдыр, элге кызмат кылуунун ыйык миссиясы.
"Даанышмандардын сөзү менен айтканда, мугалимдин эмгеги — мамлекеттин келечегин калыптандырган түбөлүктүү таяныч жана алтын багыт. Мен сиздердин эмгегиңиздердин алдында терең таазим кылам жана өлкөбүздөгү ар бир мугалимге терең урмат-сыйымды билдирем",— деди министр.
