Бишкек, 03.12.25. /Кабар/. Дүйнөдө 1,3 миллиардга жакын адам майыптуулуктун кандайдыр бир түрүнө ээ, деп билдирди БУУ.
Уюмдун маалыматы боюнча, майыптуулугу бар адамдар көп учурда дуушар болгон шарттар, анын ичинде стигма, басмырлоо, жакырчылык, билим алууга жана жумушка орношууга мүмкүнчүлүктүн жоктугу алардын коомдук турмушка катышуусун чектейт.
"Инклюзия реалдуу болгондо, ар бир адам пайда көрөт. Биргелешип, биз баарыбыз өнүгүп-өсө ала турган көбүрөөк инклюзивдик, туруктуу коомдорду кура алабыз", - деди БУУнун баш катчысы Антониу Гутерриш 3-декабрда белгиленүүчү Майыптардын эл аралык күнүнө карата кайрылуусунда.
