Бишкек, 06.10.25. /Кабар/. Улгайган курак – бул өзгөчө мезгил, аны кубаныч жана канааттануу менен өткөрсө болот, эгерде өзүнүн ден соолугуна кам көрсө. Бул тууралуу Бишкек шаардыкден соолукту чыңдоо борбору билдирди.
Алардын маалыматына ылайык, сергек жашоо образын сактоо, регулярдуу медициналык кароодон өтүү жана негизги көрсөткүчтөрдү көзөмөлдөө организмдин жалпы абалын жакшыртып, жашоонун бул мезгилинде бардык кубанычтардан ырахат алууга жардам берет.
Саламаттык көрсөткүчтөрүнүн сунушталган деңгээлдери:
- Дене массасынын индекси (ДМИ): 18,5–24,9 (салмак кг / бой м²)
- Артериалдык кан басымы: 140/90 мм сымап мамычасынан ашпашы керек
- Кандагы холестериндин деңгээли: 5,2 ммоль/л ашпоосу керек
- Кандагы глюкозанын деңгээли: эртең менен ачкарын – 5,6 ммоль/л төмөн болушу керек
- Жашылча жана жемиштерди колдонуу: суткасына 500 граммдан кем эмес
- Туз колдонуу: суткасына 5 граммдан аз
- Минималдуу физикалык активдүүлүк: жумасына 5 жолу, күнүнө 30 мүнөттөн
Регулярдуу кыймыл картаң курактагы адамдарга булчуң күчүн, ийкемдүүлүктү жана акыл-эстин тактыгын сактоого жардам берет, өнөкөт оорулардын тобокелдигин азайтат жана активдүү жашоонун узактыгын көбөйтөт.
Канча кыймыл керек?
"65 жаштагы жана андан улуулар ден соолугуна жараша физикалык жактан активдүү боло алышат. Эгер ден соолугуңуз чектелүү болсо, өз жөндөмүңүзгө ылайыктуу көнүгүүлөрдү тандаңыз. Кыймылсыздан жеңил кыймыл да жакшы.
Бардык көнүгүүлөр сиздин ден соолугуңуз жана ден соолугуңуз мүмкүнчүлүк бергенде гана аткарылышы керек. Кандайдыр бир көнүгүүлөрдү баштоодон мурун дарыгер менен кеңешүү сунушталат», - деп белгилешет дарыгерлер.
Улгайган адамдар үчүн физикалык активдүүлүктүн негизги артыкчылыктары:
- Инфаркт, инсульт, диабет, гипертония жана онкология тобокелдигин азайтат;
- Салмакты көзөмөлдөөгө жана сөөктүн бекемдигин сактоого жардам берет;
- Жыгылып калуу учурларын азайтат, эс тутумду жана акыл жөндөмүн жакшыртат;
- Энергия деңгээлин жогорулатат жана жашоонун сапатын жакшыртат.
