Бишкек, 07.02.26. /Кабар/. Салмакты төмөнкүдөй аракеттердин ырааттуулугун сактоо менен калыбына келтирсе болот: өнөкөт стресстин булактарын жок кылуу, тамактанууну иретке келтирүү жана андан кийин кыймыл кошуу. Бул тууралуу РИА Новости агенттигине дарыгер Андрей Мартюшев-Поклад билдирди.
"Жалпысынан салмакты жөнгө салуу маселесин чечүү үчүн төмөнкү ырааттуулук маанилүү. Биринчиси — өнөкөт стресстин (дистресс) булактарын жок кылуу (эң көп жайылганы — уйкунун жетишсиздиги же сапатсыздыгы). Ошондой эле стресстен арылуучу "дары катары алкоголдон баш тартуу зарыл", — деди дарыгер.
Экинчиден, тамактанууну оптималдаштыруу керек. Бул калорияны чектөө эмес, жаныбарлардан алынган таза азыктарды, жашылчаларды колдонуу жана углеводдорду минималдаштыруу болушу шарт, деп кошумчалады дарыгер. Акырында — жашоого кыймыл кошуу зарыл.
Эксперттин айтымында, салмакты азайтууда кыймылдын ролу өтө аз, негизги 80% натыйжа тамактанууга көз каранды. Ошондуктан, анын пикиринде, бир гана көнүгүүлөрдүн эсебинен арыктоо мүмкүн эмес.
"Бирок, туура тамактануу маселесин чечкенден кийин, жашоого нерв системасын жөнгө салууга багытталган жөнөкөй көнүгүүлөрдү (ритмдүү, жай кыймылдар, басуу), организмдеги гормоналдык сигналдарды иштетүүчү жана активдүүлүктү сактоочу (күч талап кылуучу көнүгүүлөр) аракеттерди, ошондой эле муундардын ийкемдүүлүгү үчүн көнүгүүлөрдү кошсо болот", — деди Мартюшев-Поклад.
