Бишкек, 09.03.26. /Кабар/. Бапаев Чыңгыз Арстанбекович Ош облусунун Кара-Суу районунун мамлекеттик администрациясынын башчысы – акими кызматына киришти.
Президенттин аталган облустагы өкүлчүлүгүнөн билдиришкендей, жаңы акимди бүгүн, 9-мартта Кара-Суу районунун активине Ош облусунун башчысы Аманкан Кенжебаев тааныштырып, жооптуу ишинде ийгилик каалады жана бир катар тапшырмаларды берди.
Белгилей кетсек, буга чейин Чыңгыз Бапаев Алай районунун мамлекеттик администрациясынын башчысы – аким болуп иштеп келген.
