Бишкек, 01.04.26. /Кабар/. Чолпон-Ата шаарында дары-дармек менен камсыздоо иши жогорку деңгээлде жетип, учурда 99%ды түздү. Бул тууралуу Милдеттүү медициналык камсыздандыруу фонду билдирди.
Маалыматка ылайык, фонддун төрагасы Азамат Муканов Ысык-Көл облусуна болгон иш сапарынын алкагында Чолпон-Ата шаарындагы дары-дармек сактоочу кампаны текшерген.
Текшерүүнүн жүрүшүндө дары каражаттарынын кору, камсыздоо деңгээли жана алардын медициналык мекемелердин муктаждыгына шайкештиги каралды. Мындан тышкары, дары-дармектерди сактоо шарттары, жарактуулук мөөнөттөрүнүн сакталышы, ошондой эле эсепке алуу жана эсептен чыгаруу тартиби текшерилди.
Ошондой эле жеткирүүлөрдүн үзгүлтүксүздүгү, өз убагында келиши жана мүмкүн болгон тобокелчиликтер өзүнчө талкууланды.
