Бишкек, 21.08.26. /Кабар/. Чоң-Алай районунун Кашка-Суу айыл өкмөтүндө жалпы узундугу 5,4 чакырымды түзгөн "Миң-Жар" ирригациялык каналы ишке кирди.
Президенттин Ош облусундагы өкүлчүлүгүнөн билдиришкендей, каналдын курулушуна 6,8 млн сом жумшалды. Эми 1082,25 гектар жайыт айдоо жерине айланат. Суу дыйкандарга 8 суу бөлүштүргүч аркылуу берилет.
Долбоор Чоң-Алай райондук өнүктүрүү фондунун каражатына "Бай-Таш Констракшн" ЖЧКсы тарабынан ишке ашырылган.
Ачылыш аземине президенттин өкүлү Аманкан Кенжебаев катышып, долбоорду аймактын азык-түлүк коопсуздугун камсыздоодогу маанилүү кадам катары баалады.
