Бишкек, 05.08.26. /Кабар/. Чүй районунун Садовое айылындагы Иса Укуев атындагы мектеп капиталдык оңдоодон өтүүдө.
Транспорт жана коммуникациялар министрлигинен билдиришкендей, долбоор республикалык бюджеттин эсебинен каржыланып, жалпы баасы 170 млн сомду түзөт.
Министрликке караштуу "Кыргызкурулуш" мамлекеттик ишканасы жүргүзүп жаткан иштердин алкагында мектептин ички жасалгалары, инженердик тармактары жаңыланып, жылытуу системасы орнотулууда.
Ошондой эле окуу класстары, лаборатория, китепкана, ашкана, жыйындар жана спорт залдары заманбап талаптарга ылайык оңдолууда. Оңдоо иштери аяктагандан кийин 504 окуучуга ылайыкталган мектепте билим алуу үчүн жаңы шарттар түзүлөт.
