Бишкек, 12.03.25. /Кабар/. 11-марттан тарта Үч-Коргон ГЭСинин №3 гидроагрегатын реконструкциялоо иштери расмий түрдө башталды.
Энергетика министрлигинен билдиришкендей, учурда гидроагрегаттын демонтаждоо иштери жүргүзүлүп жатат. Ага чейин даярдык иштерине көңүл бурулган.
Учурда №3 гидроагрегатты реконструкциялоо иштери жүрүп жатканда, ГЭСтин кубаттуулугу 144 МВтты түзөт. Эскилиги жеткен гидроагрегаттар 1962-жылдан бери иштеп, буга чейин реконструкцияланган эмес.
Реконструкция иштерин 2025-жылдын ноябрь айында бүтүрүү пландалууда.
Белгилей кетсек, бул долбоорду «CNEEC» (China National Electric Engineering Co. Ltd.) компаниясы ишке ашырууда.
Эске салсак, Үч-Коргон ГЭСинде кубаттуулугу 45 МВт болгон 4 гидроагрегат жайгашкан.2024-жылы №4 гидроагрегат реконструкциядан өтүп, анын кубаттуулугу 9 МВтка жогорулатылган. Ал эми №3 гидроагрегатты жаңылоо иштеринин натыйжасында ал дагы 9 МВтка көбөйөт.
