Бишкек, 12.03.26. /Кабар/. Быйыл Талас облусунда 1158 даана темир-бетон мамысын орнотуу пландалууда. Бул тууралуу Энергетика министрлигинин басма сөз кызматы билдирди.
Электр энергиясынын сапатын жогорулатуу максатында, алмаштыруу иштерин Талас электр тармактар ишканасы март айынан ноябрь айына чейин жүргүзөт. 0,4-10 кВ аба чубалгыларын куруу жана реконструкциялоо алкагында мамылар төмөнкүдөй бөлүштүрүлдү:
- Айтматов району — 316 даана;
- Талас району — 302 даана;
- Бакай-Ата району — 257 даана;
- Манас району — 228 даана;
- Талас шаары — 55 даана.
Бул иш-чаралар аймактагы электр энергиясы менен камсыздоонун ишенимдүүлүгүн арттырып, авариялык өчүүлөрдүн алдын алууга багытталган.
