Бишкек, 03.06.26. /Кабар/. Бул жылы Кыргызстанда 7 млн окуу китебин чыгаруу пландалууда, бүгүнкү күндө анын ичинен 3 миллионго жакыны даярдалды. Бул тууралуу "Учкун" ААКтын башкы директору Бакытбек Султанов билдирди.
Анын айтымында, өткөн жылы 3,5 млн окуу китеби жарык көргөн.
"Өткөн жылы ишкана 1-класс үчүн окуу китептерин басып чыгара баштаган жана учурда 6-класска чейин жетти. Биринчи жана экинчи бөлүктөрдөгү окуу китептеринин жалпы тиражы 172 миң нусканы түзөт, бул жеке менчик мектептерди да, мамлекеттик мектептерди да камсыз кылууга мүмкүндүк берет", - деди Султанов.
Ал белгилегендей, бул жылы 9-класска чейинки окуучуларды китеп менен камсыздоо пландалууда, андан кийин бул багыттагы иштер дагы улантылат.
Белгиленгендей, басмаканада немец жабдыктары колдонулат, анын жардамы менен күнүнө 40 миңге жакын китеп чыгарылып жатат, бул өндүрүштүк пландарды өз убагында аткарууга шарт түзүүдө.
Башкы директор эски окуу китептери мындан ары басылбай турганын, 12 жылдык билим берүүгө өтүүнүн алкагында китептердин жаңы топтому гана чыгарылып жатканын баса белгиледи.
