Бишкек, 13.11.25 /Кабар/. Бухарест шаарында миңдеген адамдар айлык акыны жогорулатууну талап кылып митингге чыгышты. Бул тууралуу Казинформ агенттиги маалымдады.
Маалыматка караганда, демонстранттар эмгек акыны көтөрүүнү, баалардын өсүшүн чектөөнү жана жумушчулар үчүн салыктарды төмөндөтүүнү талап кылышкан.
Нааразычылык акциясын ондогон профсоюз федерацияларын бириктирген Улуттук профсоюздук блок уюштурган. Митинг өкмөт имаратынын алдында башталып, андан соң катышуучулар Парламент сарайына карай жүрүш жасашкан.
Демонстранттар барабан кагып, сурнай тартып, “Биз татыктуу эмгек акыны каалайбыз” жана “Сизди сактап калгандарга кол салбаңыз” деген ураандар жазылган плакаттарды көтөрүп чыгышкан.
Митинг Румыния өкмөтү бюджет тартыштыгын азайтуу боюнча киргизген үнөмдөө чараларынан улам болууда.
2024-жылы өлкөнүн бюджет тартыштыгы 9%дан ашып, Европа Биримдигиндеги эң жогорку көрсөткүчтөрдүн бири болгон.
Быйыл өкмөт бул көрсөткүчтү 8,4%га чейин кыскартууга милдеттенген.
Катуу үнөмдөө программасына салыктардын жогорулашы, мамлекеттик сектордо айлык акылар менен пенсияларды бербөө, ошондой эле мамлекеттик мекемелердеги чыгымдарды жана жумуш орундарын кыскартуу кирет.
