Бишкек, 12.11.25. /Кабар/. Буэнос-Айресте жүргүнчү ташыган поезд рельстен чыгып кетип, кеминде 19 киши жабыркады. Бул тууралуу Infobae басылмасы кабарлаганын Известия жазды.
Маалыматка крааганда, кырсык 11-ноябрда Линьерс станциясынан анча алыс эмес жерде болгон.
Шаардык тез жардам кызматынын башчысы Альберто Кресчентинин айтымында, 9 жабырлануучу ооруканага жаткырылган. Алардын жарааттары жеңил жана орто оор деп бааланууда.
Кырсыктын себептери азырынча айтыла элек.
Эске салсак, 3-сентябрда Португалияда фуникулер оодарылып кеткен. Анда 15 адам каза таап, дагы 18 киши жаракат алган.
