Бишкек, 03.04.25. /Кабар/. Бишкектеги борбордук мечитте мүлктү жана автоунааларды камсыздандыруу боюнча маанилүү жолугушуу өттү. Бул тууралуу Мамлекеттик камсыздандыруу уюмунан билдиришти.
Жолугушуунун жүрүшүндө Кыргызстанда мүлктү, автоунааларды жана турак жайларды камсыздандыруу боюнча маанилүү демилгелерди ишке ашыруу, жарандардын жана мамлекеттик мекемелердин коопсуздугун жогорулатуу маселелери талкууланды.
Жолугушуунун жүрүшүндө мамлекеттик камсыздандыруу программалары тууралуу түшүндүрүү иштери жүргүзүлүп , атайын презентация сунушталды .
Катышуучулар камсыздандыруунун маанилүүлүгү, жарандар үчүн пайдасы жана мамлекеттин бул жааттагы саясаты тууралуу кеңири маалымат алышты.
Мамлекеттик камсыздандыруу уюмунун аткарып жаткан иштери белгиленип, бул социалдык долбоордун элдин жыргалчылыгы үчүн ишке ашышы зарыл экени айтылды.
ОСАГО – автоунаа ээлеринин жарандык жоопкерчилигин камсыздандыруу.
Мүлктү камсыздандыруу – өрт жана табигый кырсыктардан турак жайларды коргоо.
