Бишкек, 02.03.26. /Кабар/. Борбор калаанын Лев Толстой көчөсү, 144 дарегинде Жаш техниктер станциясынын жаңы, заманбап имаратынын курулушу кызуу жүрүүдө. Бул тууралуу мэриядан билдиришти.
Учурда объектте ички жасалгалоо жана фасаддык жумуштар аткарылууда. Имараттын жалпы аянты 2563 чарчы метрди түзөт, жер төлөсү менен 5 кабаттуу болуп курулууда. Анда окуу кабинеттери, астрономиялык обсерватория, музей, конференц-зал, бий жана актовый залдары, китепкана жана машыгуу залы каралган.
Мындан тышкары, имараттын аймагында спорттук аянтча, автомодель жана картинг боюнча машыгуу зоналары, ошондой эле салтанаттуу иш-чаралар үчүн жабык бастырма курулат.
Долбоор балдардын чыгармачылык жана техникалык жөндөмдөрүн өнүктүрүүгө багытталган.
