Бишкек, 27.11.25. /Кабар/. Күн мурун Кыргыз-Россия Славян университетинин алдындагы орто жалпы билим берүү мектебинин жаңыланган имараты ачылды. Бул тууралуу Илим, жогорку билим берүү жана инновациялар министрлигинен билдиришти.
Имаратты капиталдык оңдоо жана модернизациялоо иштери Россиянын Илим жана жогорку билим берүү министрлиги тарабынан каржыланган Өнүктүрүү программасынын алкагында жүргүзүлдү.
Иш-чарага илим министринин биринчи орун басары Айбек Чотонов, Россиянын Илим жана жогорку билим берүү министрлигинин өкүлү, КРСУнун ректору Сергей Волков, мугалимдер жана мектеп окуучулары катышты.
Айбек Чотонов өз сөзүндө КРСУ мектеби дээрлик отуз жылга жакын убакыттан бери Кыргызстандагы мектептик билим берүүнүн флагмандарынын бири экенин баса белгиледи.
"Жаңыланган имараттын ачылышы — бул жөн гана оңдоонун бүтүшү эмес, балдарыбыздын келечегине жана өлкөнүн интеллектуалдык потенциалына болгон маанилүү инвестиция", — деди Чотонов.
