Бишкек, 13.06.25. /Кабар/. Бишкектин Октябрь районунда жайгашкан Токомбаев көчөсүндөгү 21/1Г дарегиндеги көп кабаттуу үйдүн 2-кабатындагы электр калканынан өрт чыкты.
Өзгөчө кырдаалдар министрлигинен билдиришкендей, өрттү өчүрүүгө саат 11:18де 1 бөлүм, 1 автошаты, саат 11:30да 1 бөлүм жана саат 11:37де өрт өчүрүү штабы тартылып, жалпы 3 бөлүм тартылган.
Жерине кошумча саат 12:04тө 1 бөлүм тартылган.
Учурда куткаруучулар тургундарды эвакуациялоодо.
Кошумча маалымат берилет.
