Бишкек, 15.12.25. /Кабар/. Бүгүн "Ала-Арча" мамлекеттик резиденциясында "Инвестициялык багыт: мамлекет жана бизнес" аталышындагы форум өтүүдө.
Форум президентке караштуу Инвестициялар боюнча улуттук агенттик жана министрлер кабинетине караштуу Инвестицияларды өнүктүрүү кеңеши тарабынан уюштурулган.
Ага мамлекеттик органдардын, бизнес-ассоциациялардын, Соода-өнөр жай палатасынын, эл аралык уюмдардын жана фонддордун өкүлдөрү катышууда.
