Бишкек, 18.05.26. /Кабар/. 17-майда Бишкекте Энелер күнүнө карата Ала-Тоо аянтында ачык асман алдында музыкалык кече уюштурулду.
Кечеде таланттуу ырчылар өз өнөрлөрүн тартуулап, энелерге арнап ыр десте сунушту.
Иш-чара шаар тургундарына жана конокторуна жагымдуу маанай тартуулады. Ошондой эле кеченин жүрүшүндө шаар тургундары энелерге гүл тапшырып, майрамды өзгөчө көрккө бөлөштү.
Белгилей кетсек, Кыргызстанда Энелер күнү жыл сайын май айынын үчүнчү жекшембисинде белгиленет.
