Бишкек, 29.05.25. /Кабар/. Күн мурун Бишкек шаарынын Учкун конушунда эмерек жасоочу цехтен өрт чыккан.
Өзгөчө кырдаалдар министрлигинен билдиришкендей, цех менен катар турак үй өрттөнгөн.
Өрт өчүрүүчүлөрдүн аракеттери менен коңшу жайгашкан турак жайларга жалын өткөрүлбөй курчоого алынган.
Тилсиз жоону өчүрүүгө жалпы 4 күжүрмөн эсеп, штаб жана 1 дрон тартылып, толугу менен өчүрүлдү.
Өрттүн жалпы аянты болжол менен 800 чарчы метрди түздү. Жабыркагандар жок.
Белгилей кетсек, сутка ичинде өлкө аймагында 10 өрт кырсыгы катталды.
