Бишкек, 14.07.25. /Кабар/. 14–15-июлда Бишкек шаарындагы "Вакцинадан эмдөөгө" деген темада тренерлерди даярдоо боюнча аймактык семинар өтүүдө.
Саламаттык сактоо министрлигинен билдиришкендей, иш-чара "Кыргыз Республикасынын балдар дарыгерлеринин союзу" коомдук бирикмеси тарабынан Эл аралык педиатрия ассоциациясынын (ЭПА) колдоосу менен уюштурулган.
Семинар медицина кызматкерлеринин кесипкөйлүгүн жогорулатууга жана айрыкча балдар арасында иммунизацияны кеңейтүүгө багытталган. Ошондой эле ата-энелер менен натыйжалуу баарлашуу, эмдөөгө болгон ишенимди арттыруу жана Борбор Азиядагы адистердин жактоо (адвокация) көндүмдөрүн өнүктүрүү маселелерине өзгөчө көңүл бурулууда.
Иш-чарага Индия, Франция, Ливан, Россия, Казакстан, Өзбекстан, Тажикстан, Грузия, Молдова, Армения жана башка өлкөлөрдүн педиатрия жана эмдөө борборлорунун, улуттук ассоциациялардын өкүлдөрү катышууда.
Семинар аймактык деңгээлде вакцинацияны илгерилетүү, эл аралык тажрыйба алмашуу жана жалпы мамилелерди иштеп чыгуу үчүн маанилүү аянтча болуп саналат.
Катышуучулар актуалдуу билимдерге, практикалык инструменттерге ээ болуп, коомдук саламаттык сактоо тармагындагы иштерин улантууга шык алышат.
Бул иш-чара региондогу адистердин кызматташтыгын чыңдоого, программаларды ишке ашыруудагы учурдагы маселелерди биргеликте талкуулоого жана эмдөө менен камтылууну жогорулатууга багытталган таасирдүү практикаларды жайылтууга өбөлгө болот.
