Бишкек, 09.06.26. /Кабар/. Бишкек шаарында 5–7-июнь күндөрү XI Эл аралык бий олимпиадасы өттү.
Маданият министрлигинен билдиришкендей, иш-чарага ар кайсы өлкөлөрдөн келген күчтүү бийчилер жана командалар катышты.
Олимпиадага 100дөн ашык дисциплина камтылып, хип-хоп жана K-pop багыттарынан тартып чыгыш, болливуд жана улуттук бийлерге чейин ар түрдүү жанрлар көрсөтүлдү. Маданий иш-чарага 3 жаштан 100 жашка чейинки курактагы өкүлдөр катышты.
Программага төмөнкүлөр кирди:
- Борбор Азия чемпионаты (бардык бий багыттары боюнча);
- "Вершина" фестивалы (баалоосуз формат);
- Спорттук мажореткалар жана батон твирлинг боюнча Азия чемпионаты;
- "Kyrgyzstan open" чир спорт боюнча эл аралык турнир;
- Бишкек шаарынын чир спорт боюнча чемпионаты жана биринчилиги.
Олимпиаданын жыйынтыгында мыкты катышуучулар жана командалар жеңүүчү деп табылып, атайын номинациялар жана сыйлыктар тапшырылды.
