Бишкек, 08.07.25 /Кабар/. Бишкек шаарынын Абдрахманов көчөсүндө жайгашкан KICB банкынын имаратынан чыккан өрт өчүрүлдү. Бул тууралуу Өзгөчө кырдаалдар министрлигинен билдиришти.
Тилсиз жоону өчүрүүгө жалпы 3 күжүрмөн эсеп, штаб жана ӨКМдин Кризистик кырдаалдарда башкаруу борборунан 2 офицер 1 дрон менен тартылган.
Өрттүн жалпы аянты болжол менен 70 чарчы метрди түзөт.
Жабыркагандар жок жана өрттүн себептери такталууда.
