Бишкек, 15.10.26. /Кабар/. Бишкекте 13-октябрда үй-бүлөлүк зомбулуктун алдын алуу жана андан жабыркаган адамдарды коргоо системасын өркүндөтүүгө арналган ведомстволор аралык тренинг-семинар өттү. Бул тууралуу Эмгек министрлигинен билдиришти.
Иш-чарага жергиликтүү бийлик органдарынын, ички иштер, социалдык коргоо жана саламаттык сактоо тармактарынын өкүлдөрү катышты. Алар зомбулук учурларын аныктоо, жабыркагандарга өз убагында жардам көрсөтүү жана тиешелүү кызматтарга багыттоо маселелерин талкуулашты.
Тренингде ведомстволор аралык кызматташтыкка жана жабыркагандарга бирдиктүү система аркылуу колдоо көрсөтүү принцибине өзгөчө көңүл бурулду.
