Бишкек, 04.11.26. /Кабар/. Эмгек, социалдык камсыздоо жана миграция министри Алмаз Имангазиев Талас облусундагы Покровка аралаш психоневрологиялык жана Бакай-Ата социалдык стационардык мекемелеринин ишмердүүлүгү менен таанышты.
Ведомствонун маалыматына караганда, министр мекемелердеги социалдык кызмат алуучулардын жашоо шарттарын, аларга көрсөтүлүп жаткан кам көрүүнүн жана тиричилик кызматтарынын сапатын көрүп чыкты.
Учурда аталган эки мекемеде 200дөн ашык адам социалдык кызмат алат.
Ошондой эле министрликтин аймактык башкармалыктарына барып, алардын ишин уюштуруу жана калкка мамлекеттик кызмат көрсөтүү сапаты менен таанышты.
