Бишкек, 06.04.26. /Кабар/. Бишкекте 740 көчөт отургузулду. Бул тууралуу мэриядан билдиришти.
Анда белгиленгендей, "Адинай" сейил багында мэр Айбек Жунушалиевдин катышуусунда массалык дарак отургузуу иш-чарасы өткөрүлдү. Паркка жалпысынан 200 дарактын көчөтү тигилди.
Андан соң шаар башчысы Фучик атындагы паркта Ленин районунун акимчилигинин кызматкерлери жана "Жаштар кыймылы" ыктыярчылары менен бирге дагы 200гө жакын дарак отургузду.
Мындан тышкары, шаардын башка райондорунда да көчөттөр тигилди.
Мэрия жаз башталгандан бери борбор калаада 7 600дөн ашык дарак отургузулганын маалымдады.
2026-жылы Бишкек шаарында 20 миңден ашык жашыл көчөт отургузуу пландалууда.
