Бишкек, 24.04.25. /Кабар/. Бишкекте 2023-2027-жылдарга карай Тоолуу аймактарды өнүктүрүү боюнча аракеттердин беш жылдыгынын алкагында "Бишкек+25 саммитине карай туруктуу өнүгүү үчүн глобалдык тоо диалогу" эл аралык конференциясы өтүүдө.
Иш-чаранын негизги максаттарынын бири тоолуу аймактар туш болгон экологиялык, социалдык жана экономикалык көйгөйлөргө эл аралык коомчулуктун көңүлүн буруу болуп саналат.
Конференцияга Европа, Азия, Америка, Африка жана Австралиядан 50дөн ашуун мамлекеттин жана 30га жакын эл аралык уюмдардын өкүлдөрү, окумуштуулар, эксперттер катышууда.
Эл аралык иш-чарада климаттын өзгөрүшүнүн тоо экосистемаларына жана алардын жашоочуларына тийгизген таасири, суу, азык-түлүк жана энергетикалык коопсуздукту камсыз кылууда тоолордун ролу жана экосистемалардын деградациясын алдын алуу темалары көтөрүлүүдө.
Белгилей кетсек, негизги иш-чара болгон “Бишкек+25 экинчи глобалдык тоо саммити” 2027-жылы өтмөкчү.
