Бишкек, 26.05.26. /Кабар/. Бишкек шаарынын мэри Айбек Жунушалиев №1 мектеп-интернатына барып, окуучуларды кесипке багыттоочу практикалык сабактардын жүрүшү менен таанышты.
Муниципалитеттен билдиришкендей, мектеп-интернаттын тарбиялануучулары өз алдынча жашоого даярдануу максатында инкубатор менен жөжө багуу жана жашылча өстүрүү, гумус өндүрүү, чач тарач жана тигүүчүлүк өнөрү сыяктуу көндүмдөрдү өздөштүрүп жатышат.
Бул багытта окуучулар өз алдынча жашоого даярдануу үчүн төмөнкүдөй практикалык багыттарды өздөштүрүүдө:
- Инкубатор менен жөжө багуу;
- Жашылча өстүрүү жана гумус өндүрүү;
- Чач тарач өнөрү;
- Тигүүчүлүк чеберчилиги.
Окуучулар ийримдерде жана устаканаларда жасаган эмгектеринин жыйынтыгын көрсөтүп, коомго ийгиликтүү аралашуу боюнча пландары менен бөлүштү.
Калаа башчысы балдар менен баарлашуу учурунда жашылча өстүрүү боюнча сунуштарын айтып, үй шартында инкубатор жасоо боюнча кеңештерин ортого салды. Жыйынтыгында мэр Айбек Жунушалиев өспүрүмдөрдүн потенциалын өнүктүрүү жана аларды өз алдынча жашоого даярдоо үчүн мекемеде бардык зарыл шарттарды түзүү тапшырмасын койду.
