Бишкек, 31.08.26. /Кабар/. VI Дүйнөлүк көчмөндөр оюндарынын салтанаттуу ачылыш аземине карата Бишкек шаарында шаар тургундары жана коноктору үчүн фан-зоналар иштей баштады.
Фан-зоналарда оюндардын салтанаттуу ачылыш аземин түз эфирден көрүүгө, улуттук оюндарга арналган интерактивдүү иш-чараларга катышууга, этно жана фотозоналарга барууга, ошондой эле маданий жана концерттик программаларга күбө болууга болот. Мындан тышкары, коноктор үчүн фуд-корттор жана эс алуу жайлары уюштурулган.
Фан-зоналар төмөнкү даректерде иштейт:
- Ала-Тоо аянты — башкы фан-зона;
- Тунгуч кичи районундагы ”Тунгуч-1“ сквери;
- ”Ынтымак-2” паркындагы амфитеатр;
- Фучик атындагы парк;
- Ак-Өргө конушундагы ”Ашар“ паркы;
- Жал кичи районундагы ”Муун“ сквери;
- Ч. Түлөбердиев атындагы парк;
- Токтоналиев көчөсү 62 дарегиндеги спорт комплекси;
- Ак-Босого конушундагы Чүй көчөсү, 52 дарегиндеги сквер;
- Үсөнбаев көчөсү 200/1 дарегиндеги ”Алга” спорт комплекси;
- Чыгыш-5 кичи району 1А дарегиндеги №66 орто мектеп;
- Энесай көчөсү 1 дарегиндеги №21 орто мектеп.
