Бишкек, 14.09.26. /Кабар/. Башкы прокурордун биринчи орун басары кызматына Ахматов Чыңгыз Аширбекович дайындалды. Бул тууралуу Башкы прокуратурадан “Кабар” агенттигине билдиришти.
Тиешелүү документке президент Садыр Жапаров кол койду.
Чыңгыз Ахматов 1981-жылдын 7-июлунда Фрунзе (азыркы Бишкек) шаарында төрөлгөн.
2003-жылы Кыргыз улуттук университетинин юридика факультетин бүтүргөн.
Эмгек жолу 2004-жылы Талас облусунун прокуратурасында иштөөдөн башталган.
Ал прокуратура органдарында бир катар жетекчилик кызматты аркалап, 2024-2026-жылдары Ош облусунун прокурору болуп эмгектенген.
