Бишкек, 06.06.26. /Кабар/. Министрлер кабинетинин төрагасы – Кыргыз футбол биримдигинин президенти Адылбек Касымалиев алдыдагы эл аралык беттештердин алдында Кыргызстандын улуттук курама командасы менен жолугушту.
Белгилей кетсек, бүгүн, 6-июнда жана 9-июнда улуттук курама команда ФИФАнын июнь айындагы күндөрүнүн алкагында Палестинанын улуттук курама командасына каршы эки эл аралык жолдоштук беттеш өткөрөт.
Адылбек Касымалиев футболчуларга жана машыктыруучулар штабына алдыдагы беттештерде ийгилик каалап, алардын кесипкөйлүгүнө жана эл аралык аренада Кыргызстанды татыктуу көрсөтүүгө умтулуусуна ишенимин билдирди.
