Бишкек, 03.11.26. /Кабар/. Токтогулда футболдук инфраструктураны өнүктүрүүгө багытталган үч объект пайдаланууга берилди.
Президенттин Жалал-Абаддагы өкүлчүлүгүнөн билдиришкендей, анын ичинде Эргеш Ормонов атындагы стадиондун табигый газон төшөлгөн негизги футбол талаасы, жаңы машыгуу талаасы жана оңдоп-түзөөдөн өткөн мейманкана комплекси бар.
Үч кабаттуу мейманкана 23 бөлмөдөн, 40 орундуу ресторандан жана конференц-залдан турат.
"Долбоорлор республикалык жана жергиликтүү бюджеттин, ошондой эле "Футболду колдоо" коомдук фондунун каражаттарынын эсебинен ишке ашырылды",-деп айтылат маалыматта.
