Бишкек, 06.10.26. /Кабар/. Кыргызстандык футбол калыстары Медербек Тайчиев, Вероника Бернацкая жана Исмаил Талипжанов Япониянын Айти жана Нагоя шаарларында өткөн XX Азия оюндарында футбол боюнча мелдештерди ийгиликтүү тейлеп жыйынтыкташты. Бул тууралуу Кыргыз футбол союзу билдирди.
Маалыматка ылайык, эркектер арасындагы футбол мелдештери 2026-жылдын 14-сентябрынан 3-октябрына чейин, ал эми аялдар арасындагы мелдештер 14-сентябрдан 2-октябрга чейин өткөн. АФКнын тизмесине кирген мекендештерибиз турнирдин жүрүшүндө бир катар жооптуу беттештерди жогорку деңгээлде башкарышты.
Айрыкча, Медербек Тайчиев башкы калыс, Исмаил Талипжанов жардамчы калыс катары маанилүү оюн этаптарын тейлесе, Вероника Бернацкая аялдар арасындагы мелдештерде башкы калыс милдетин аткарып, ал тургай финалдык беттеште видеокалыстын жардамчысы (AVAR) кызматын ийгиликтүү аткарды.
