Бишкек, 13.05.26. /Кабар/. Бүгүн, 13-майда министрлер кабинетинин төрагасы Адылбек Касымалиев “Ачык кабинет: жоопкерчилик аймагы” медиа долбоорунун алкагында Бишкек, Чүй жана Ысык-Көл облустарындагы объектилерди кыдырат.
Иш күнү башталганда алгач минкаб жетекчиси президенттин администрациясынын Ситуациялык борборунда жумушчу кеңешме өткөрдү.
Анда Адылбек Касымалиев өлкөнүн аймактарындагы актуалдуу макроэкономикалык көрсөткүчтөр жана социалдык-экономикалык абал менен кеңири таанышып, бир катар тапшырмаларды берди.
Эске салсак, “Ачык кабинет” долбоору коомчулукту өлкө жетекчилигинин иш ыкмалары жана мамлекеттик милдеттердин аткарылышын көзөмөлдөө куралдары жөнүндө маалымдоого багытталган.
