Бишкек, 04.08.26. /Кабар/. Баткен районунун Жаңы-Достук айылында 225 орундуу жаңы мектептин курулушу 45 пайызга аткарылды.
Курулуш, архитектура жана турак жай-коммуналдык чарба министрлигинин маалыматына ылайык, объект республикалык бюджеттин эсебинен каржыланып, анын жалпы наркы 197 млн сомду түзөт.
Долбоорго ылайык, эки кабаттуу төрт блоктон турган мектепте лаборатория, китепкана, компьютердик класс, ашкана, дарыгердин бөлмөсү, жыйындар залы жана спорт залы каралган.
Учурда курулуш иштери министрликтин көзөмөлүндө графикке ылайык жүргүзүлүп жатат.
