Бишкек, 13.02.25. /Кабар/. Баткенде мыйзамсыз ташылып келген 3,5 тонна жүзүм жана лимон жок кылынды. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Баткен өсүмдүктөрдү химиялаштыруу, коргоо жана карантин башкармалыгына ЕАЭБдин аймагына бажы эрежелерин бузуу менен мыйзамсыз ташылып келген айыл чарба продукциясы жөнүндө маалымат берилген.
Текшерүүнүн натыйжасында жалпы салмагы 3,5 тоннадан ашык жүк жок кылынган. Анын 2 тоннадан ашыгы жүзүм, 1,4 тоннадан ашыгы лимон болгон.
Белгилей кетсек, КР "Өсүмдүктөрдүн карантини жөнүндө" мыйзамына жана ЕАЭБдин карантиндик фитосанитардык көзөмөлдү жүзөгө ашыруу тартиби жөнүндө жобосуна ылайык, фитосанитардык сертификаты жок жогорку тобокелдиктеги карантиндик жүктү өлкөгө ташып кирүүгө тыюу салынат.
Жүк ээси мыйзамга ылайык эки вариантты тандай алган:
- Жүктү кайра артка кайтаруу.
- Жүктү жок кылуу.
