Бишкек, 03.06.26. /Кабар/. Саламаттык сактоо министри Дамирбек Осмонов иш сапарынын алкагында Милдеттүү медициналык камсыздандыруу фондунун Баткен аймактык башкармалыгына барды.
Ведомстводон маалымдашкандай, министрге фонддун ишмердүүлүгү, эмгек жамаатынын иши, Мамлекеттик кепилдиктер программасынын аткарылышы, милдеттүү медициналык камсыздандыруу полиси боюнча жүргүзүлүп жаткан иштер жана жетишилген көрсөткүчтөр тууралуу маалымат берилди.
Мындан тышкары, Баткен облусунун өзгөчө статусу жөнүндө токтомдун аткарылышы боюнча жүргүзүлүп жаткан иштер талкууланды.
Министр калкка көрсөтүлүп жаткан медициналык кызматтардын жеткиликтүүлүгүн жана сапатын жогорулатуу, ошондой эле медициналык камсыздандыруу системасынын натыйжалуулугун арттыруу багытындагы иштердин маанилүүлүгүн белгиледи.
