Бишкек, 03.06.26. /Кабар/. Министрлер кабинетинин төрагасы Адылбек Касымалиев Баткен облусуна жасаган иш сапарынын алкагында бир катар социалдык объектилерди кыдырды.
Минкаб төрагасы Адылбек Касымалиев Баткен облустук биргелешкен ооруканасына барды.
Оорукананын негизи 2 кабаттуу имараты 1978-жылы, 3 кабаттуу имараты 1981-жылы ал эми жугуштуу оорулуулар бөлүмү 1968-жылы, курулуп пайдаланууга берилген.
45-46 жыл ичинде ооруканага капиталдык ремонт болгон эмес, жыл сайын үстүртөн ремонт иштери гана жүргүзүлүп келет.
Биргелешкен оорукананын абалы менен таанышып чыккан соң, Адылбек Касымалиев жаңы имарат куруу боюнча сунуштарды иштеп чыгуу тапшырмасын берди.
