Бишкек, 04.07.25. /Кабар/. Индонезиянын Бали кысыгында жүргүнчү ташыган паром чөгүп, 6 адам каза болуп, 24 адам дайынсыз жоголгон. Бул тууралуу Синьхуа кабарлады.
Жергиликтүү куткаруучулардын маалыматына караганда, паромдун бортунда 53 жүргүнчү, 12 экипаж мүчөсү жана жүк ташуучу унаалар болгон.
Паром Чыгыш Явадан Бали аралына бара жаткан.
Кырсык паром Ява аралынан чыккандан 25 мүнөт өткөндөн кийин болгон.
Паромдун оператору жергиликтүү маалымат каражаттарына кеменин экипажы кыйраганга аз калганда паромдун кыймылдаткычы иштебей калганын билдирген.
