Бишкек, 17.02.26. /Кабар/. Help the Children - SKD коомдук кайрымдуулук фонду Эне жана баланы коргоо улуттук борборунун онкология бөлүмүнүн бейтаптарына 740 миң сомдук дары-дармек, жабдуу жана китептерди тапшырды.
Онкологиялык, гематологиялык жана иммунологиялык оорулардан жабыркаган балдарга жардам берүүчү фонддон белгилегендей, анын ичинде:
- оорукананын өтүнүчү менен сатып алынган 235 миң 327 сомдук маанилүү дары-дармектер;
- 3 кондиционер;
- 3 кычкылтек концентратору;
- 213 миң 468 сомдук 7 порт-система;
- 50 миң сомдук кан препараттарына жана канга акы төлөндү.
15-февраль — Эл аралык рак менен ооруган балдар күнүнө карата уюштурулган акциянын максаты балдарга көңүл буруу, камкордук жана жылуулук тартуулоо, ошондой эле коомчулуктун көңүлүн балдар онкологиясынын көйгөйлөрүнө буруу болуп саналат.
