Бишкек, 22.04.25. /Кабар/. Бүгүн, 22-апрелде Азербайжандын маданият министри Адиль Габиль оглу Каримли Кыргызстанга расмий иш сапарынын алкагында “Ата-Бейит” улуттук тарыхый-мемориалдык комплексине барды.
Сапардын жүрүшүндө министр Адиль Каримли 1916-жылдагы каргашалуу окуяларда (Үркүндө) каза болгондордун эстелигине гүлчамбар коюп, кыргыздын залкар жазуучусу Чыңгыз Айтматовдун элесине таазим этип, бейитине гүл койду.
Иш-чарада Азербайжандын маданият министрин Кыргызстандын маданият, маалымат жана жаштар саясаты министринин биринчи орун басары Союзбек Надырбеков коштоп жүрдү.
Меймандар мемориалдык комплекстин музейи менен таанышып, экспозициялар боюнча маалымат алды.
