Бишкек, 06.10.25. /Кабар/. Нарын облусунун Ат-Башы районуна караштуу Кара-Суу айылында жаңы бала бакча курулуп жатат.
Курулуш министрлигинен билдиришкендей, жалпы аянты 1256 чарчы метрди түзгөн имарат 120 орунга ылайыкталып, заманбап талаптарга жооп берген жабдуулар менен камсыздалат.
Курулуш иштери 2024-жылы башталган, азыркы тапта имараттын экинчи кабаты тургузулууда.
Долбоор Турак жай-жарандык курулуш департаменти тарабынан ишке ашырылып, республикалык бюджеттин эсебинен каржыланууда. Тендердик баасы 79 млн сомду түзөт.
