Бишкек, 08.12.25. /Кабар/. Ат-Башы районунда Ветеринардык-санитардык экспертиза лабораториясы ачылды.
Райондук администрациядан билдиришкендей, мында азык-түлүктөрдө (эт, сүт, балык, жер-жемиш жана башка) адамдын ден соолугуна зыяндуу заттардын, антибиотиктердин калдыктары бар же жок экендиги, микробиологиялык булганууну жана мителерди аныктоо менен физикалык-химиялык көрсөткүчтөрдүн стандарттарга шайкеш келээри текшерилет.
Жыйынтыктап айтканда, бул лабораторияда соода жайларында сатылып жаткан тамак-аштын талапка жооп бериши, күнүмдүк турмушта пайдаланып жаткан продукциялардын коопсуздугу текшерилип, адамдардын ар кандай ооруларга чалдыгышына бөгөт коюу иштери жүргүзүлөт.
