Бишкек, 20.06.26. /Кабар/. Бүгүн, 20-июнда Бишкек шаарындагы Т. Усубалиев атындагы аянтта Аскер институтун аяктаган бүтүрүүчүлөргө диплом жана алгачкы офицердик "лейтенант" аскердик наамы тапшырылды. Бул тууралуу Коргоо министрлигинен билдиришти.
Маалыматка ылайык, быйыл аскердик окуу жайды 7 курсант артыкчылык диплому менен аяктап, алардын үчөө президенттин стипендиясына татыктуу болду.
Салтанатта жаш лейтенанттар "Офицердик вальс" бийин бийлешти.
Белгилей кетсек, иш-чарага коргоо министринин биринчи орун басары Талайбек Шаршеев, Бишкек шаарынын мэри, Мамлекеттик чек ара кызматынын төрагасы, Куралдуу күчтөрдүн ардагерлери, ошондой эле жаш лейтенанттардын ата-энелери жана жакындары катышты.
