Бишкек, 17.08.26 /Кабар/. Ала-Тоо аянтында өткөн кеч жандуу музыканын коштоосунда өттү.
Муниципалитеттен билдиришкендей, Бишкек шаарынын тургундары жана коноктору үчүн мэриянын Маданият башкармалыгына караштуу орус ырларынын "Сувенир" ансамбли өнөрүн тартуулады.
Музыкалык программа борбор калаанын борборундагы кечки сейилдөөгө жагымдуу маанай кошту. Ансамблдин аткаруусунда көпчүлүккө тааныш жана сүйүктүү чыгармалар жаңырып, музыканттардын айланасына шаар тургундары менен конокторун топтоду.
"Иш-чаранын ачык форматта өтүшү каалаган адам токтоп, музыканы угуп, шаардагы кечтин жагымдуу атмосферасынан ырахат алууга мүмкүнчүлүк берди",-деп айтылат маалыматта.
