Бишкек, 19.03.26. /Кабар/. УКМК төрагасы Жумгалбек Шабданбеков жергиликтүү маалымат каражаттарынын бирине берген маегинде акыркы бир айда атайын кызматтын канча кызматкери иштен бошотулганын билдирди.
Төраганын айтымында, 11-февралдан бери УКМКда жүргүзүлгөн ички иликтөөнүн жыйынтыгына ылайык, катаал дисциплинардык чаралар көрүлдү.
УКМКдан 7 кызматкер кетирилип, дагы 83 кызматкер ээлеген кызматынан алынган, кызматка талапкер болгондордун тизмесинен алтоо чыгарылган. Ошондой эле 13 кызматкер тартиптик жазага тартылган.
