Бишкек, 14.0425. /Кабар/. Япониянын Осака шаарында өтүп жаткан "Экспо-2025" көргөзмөсүндөгү Кыргызстандын павильону инновациялык технологияларды жана бай улуттук салттарды айкалыштыруу менен чыныгы сенсация жаратты.
Конокторду Жогорку технологиялар паркынан билдиришкендей, анда өнөктөш — The Cramer Project тарабынан түзүлгөн AkylAI акылдуу колонкасы негизги кызыгууну жаратты. Осакадагы көргөзмө үчүн колонка жапон тилин үйрөнүп, эми кыргыз, англис жана жапон тилдеринде сүйлөйт.
Андан тышкары, коноктор Mirror Look — улуттук кыргыз кийимдерин виртуалдык түрдө кийип көрүүгө мүмкүндүк берген IT-продуктуну сынап көрө алышты. Жасалма интеллект коноктун салттуу кийимдеги сүрөтүн жаратат жана аны дароо телефонго жүктөп алууга болот
"Экспо-2025" көргөзмөсү 13-апрелде Осака шаарында старт алды. Кыргызстандын павильонунда органикалык продукциялар көрсөтүлүп, туруктуу өнүгүүгө жана туризмге басым жасалган.
Бул жылы салттар жана технологиялар бирге келе жатат: Кыргызстан инновациялардын жери катары көрсөтүлүүдө.
IT-кызматтардын экспортунун көлөмү өсүүдө. 2024-жылы Жогорку технологиялар паркынын резиденттери гана 10,67 млрд сомго ($122 млн) кызмат экспорттошту. Бул 2023-жылга салыштырмалуу 45%га көп.
Ошол эле учурда Японияга экспорттун көлөмү 2016-жылдагы $235 миңден 2024-жылы $1,2 миллионго чейин көбөйдү.
Кыргызстан IT-өлкөгө айланууда жана бул тууралуу бүт дүйнө билиши керек.
