Бишкек, 28.08.25. /Кабар/. АКШ Россиядан бриллианттын айрым түрлөрүн импорттоого уруксат берди. Бул тууралуу АКШнын Каржы министрлигинин сайтында жарыяланган лицензияда айтыларын Известия билдирди.
Маалыматка караганда, документте 2024-жылдын 8-февралындагы тыюу салынган бардык операцияларга 2026-жылдын 1-сентябрына чейин уруксат берилгени белгиленген.
Негизги талап бриллианттар АКШга импорттолгонго чейин физикалык жактан Россиядан тышкары жерде турушу зарыл.
Бул шарт 2024-жылдын 1-мартына чейин Россиянын чегинен тышкары жеткирилген бир карат же андан көп салмактагы орус бриллианттарына тиешелүү.
Салмагы 0,5 карат же андан көп болгон бриллианттар үчүн бул мөөнөт 2024-жылдын 1-сентябрына чейин деп көрсөтүлгөн.
